Atentu Landaj kaj Fakaj Sekcioj de TEJO

Venis la jaro 2006, para jaro en kiu laŭ la artikolo 3-2 de TEJO-regularo devas esti nomumitaj novaj Komitatanoj A de TEJO.

Komitatanoj A estas en la TEJO-Komitato la reprezentantoj de Landaj (Fakaj) Sekcioj de nia organizo. La Komitato estas la supera organo de TEJO. Inter ĝiaj taskoj estas elekti la estraron kaj decidi pri ĝia agado, aprobi la buĝeton, decidi pri akcepto novajn Landajn kaj Fakajn Sekciojn kaj alio.

Ĉiu Landa Sekcio rajtas al nombro de reprezentantoj laŭ la nombro de kalkuleblaj membroj :

15-100 membroj – 1 komitatano A

101-300 membroj – 2 komitatanoj A

301-1000 membroj – 3 komitatanoj A

Ĉiu Faka Sekcio, kiu havas almenaŭ 15 kalkuleblajn membrojn rajtas al 1 reprezentanto.

Kondiĉoj:

- la Landa (Faka) Sekcio estu junulara asocio de gepatra Landa (Faka) Sekcio de UEA, aŭ ĝi pagu kotizon por siaj Junaj Aligitaj Membroj.

- la Komitatano A estu individua membro de TEJO (tio estas esti maksimume 29-jaraĝa kaj esti MJ(T) aŭ MA(T) aŭ DM(T)membro)

- Interesiĝi pri funkciado kaj estonto de TEJO

- Pli bonas havi retaliron almenaŭ unufoje en 2 semajnoj

- Kontribui laŭeble al la TEJO-Cirkuleroj

- Laŭeble partopreni la Komitatkunsidojn dum IJK.

Kiel iĝi Komitatano A?

La Prezidanto de via Landa (Faka) Sekcio sendu al Ĝenerala Sekretario de TEJO vian nomon, kaj etan formularon enhavantan vian retan kaj poŝtan adreson, telefonnumeron, naskiĝdaton.

Kiam kaj kiel nomumi Komitatanojn A?

Ĝis la 30-a de aprilo 2006 skribe al Ĝenerala Sekretario.

La oficperiodo de la nomumitoj estos ekde 1 junio 2006 – ĝis 31 majo 2008

Pli da informoj vi trovos ĉe http://www.tejo.org/aktivuloj/regularo/regularo.php?parto=enkonduko kaj/aŭ skribante al Ĝenerala Sekretario valentina(ĉe)tejo.org , aŭ al TEJO-volontulo oficejo(ĉe)tejo.org

Vidu ankaŭ la Oftajn Demandojn ĉe la TEJO-vikio. http://www.tejo.org/vikio/Oftaj_Demandoj

Valentina Sidorova

Ĝenerala Sekretario de TEJO