Esperanta junularo floru en la tuta mondo!
Helpu helpi
TEJO jam havas 43 Landajn Sekciojn, kaj ĉirkaŭ
du trionoj de ili estas en Eŭropo.
En multaj neeŭropaj landoj kvankam disvolviĝas Esperanta
aktivado, tamen por bona establiĝo bezonatas kontakto de tieaj
aktivuloj kun la spertuloj en la internacia Esperanto-movado.
Partopreno en granda junulara internacia aranĝo, kiel IJK,
estus unika sperto, kiu povus esti grandega
impulso por loka kaj landa aktiveco.
Indas subteni...
...partoprenon de kelkaj ekster-eŭropaj aktivistoj el la
landoj kie promesplene disvolviĝas junulara movado,
ĉe la 61-a IJK en Zakopane. Tiuj ĉi landoj estas plej
ofte nepagipovaj, kaj ĝuste el ili la vojaĝkostoj estas
plej altaj.
La Fondaĵo Partoprenu IJK-n (konto fp.ijk)
...nun enhavas monsumon, kiu apenaŭ sufiĉas por parta financado
de vojaĝelspezoj por unu partoprenonto. La landoj kiuj bezonas
tiun ĉi impulson, estas pliaj.
Via helpo estas bezonata
Por ke junuloj renkontiĝu kun junuloj. Por ke aktivistoj spertiĝu.
Por ke seminarioj kaj IJK-j ekokazadu pli multe ankaŭ ekster Eŭropo.
Kiel ni uzos ĝin
Estis deklarita malferma konkurso, kies kondiĉoj estis publikigitaj
en la papera gazeto TEJO Tutmonde (2005:1), retpoŝta novaĵletero
TEJO Aktuale (n-roj 164 kaj 165) kaj la oficiala retpaĝo de IJK. Laŭ la decido
de la Komitato de TEJO establiĝis komisiono, kiu laŭ objektivaj
kriterioj — precipe laŭ la respondoj de la kandidatoj en la demandaro — prijuĝos, kie la helpo estos plej bone utiligota.
Vi povas direktigi vian monsubtenon al la UEA-konto
fp.ijk (Fondaĵo Partoprenu IJK-n).
La transpagordonon el via UEA-konto al la konto
fp.ijk (Fondaĵo Partoprenu IJK-n)
sendu retpoŝte al
financoj(ĉe)co.uea.org
metu @ anstataŭ (ĉe)
Alternative, vi povas uzi la sekvantan paperan informilon/formularon.
Vi povas ankaŭ uzi ĉiujn pagmanierojn de UEA, menciante la konton fp.ijk.
Ni anticipe elkore dankas.
Rigardu la paperan formon de tiu ĉi anonco en la flugfolio en pdf-formato
aŭ en la la sama flugfolio en ps-formato (kun logotipo).